Tagalog

Ang Cancer Australia ay gumagawa ng malawak na hanay ng mga publikasyon tungkol sa kanser, kabilang ang: mga patnubay, mga gabay para sa kanser, mga ulat, mga pahina ng impormasyon at mga pamphlet sa 10 wika na hindi Ingles.

Ang Cancer Australia ay dedikado sa pagsuporta ng mga komunidad na iba ang kultura at wika (culturally and linguistically diverse o CALD) sa Australia.

Hindi maghihintay ang kanser

Kahit na mas karaniwan ang kanser habang tumatanda tayo, maaari kang magkaroon ng kanser sa anumang edad. Talagang mahalaga na makilala ang iyong katawan at malaman ang mga sintomas na dapat bantayan. Kung mayroon kang isang bagong pagbabago sa iyong katawan na hindi pa rin nawawala, katulad ng bukol, huwag ipagpaliban ang pakikipagkonsulta sa iyong doktor. Ang karamihan sa mga pagbabago ay hindi kanser, pero kung kanser nga ito, mas mabuti kung mas maaga itong matuklasan. Ang iyong doktor ay naririyan upang alagaan ang iyong kalusugan tulad ng dati. Maaari kang magtakda ng appointment upang makipagkonsulta sa iyong doktor nang personal o makipag-usap sa kanya sa iyong telepono o sa iyong kompyuter (telehealth). Ang pagtanggap ng libreng screening para sa kanser ay makakatulong rin na protektahan ang iyong kalusugan sa pamamagitan ng maagang pagtuklas, kahit na wala ka pang anumang mga sintomas ng sakit. Bumisita sa http://www.cancerscreening.gov.au/ para sa karagdagang impormasyon.

 Mga Dulugan

Tingnan ang mga publikasyon ng Cancer Australia sa Tagalog sa ibaba.